Þarna talar nafni minn fjárfestirinn eða Villi verðtryggði eins og sumir vinir mínir kalla hann.

Mér sýnist einsýnt að Framsókn verði í forystu í næstu ríkisstjórn ef svo fer fram sem horfir, hvort sem okkur líkar það betur eða verr.

Ég get heldur ekki séð að það sé betra að hafa Sjálfstæðisflokkinn í forystu eins og hann er í dag, hvað þá að fjölskyldur landsins hafi efni á því. Nafni minn var ekki að spurja þessarar spurningar út frá því hvort heimilin hefðu efni á því að fá Framsókn í forystuna, heldur hvort eigendur fjármagnsins hefðu efni á því að leiðrétta lán heimilanna.

Ég hef sagt að Sjálfstæðisflokkurinn sé ekki lengur fyrir venjulega Sjálfstæðismenn, heldur er hann í dag eingöngu fyrir menn eins og nafna minn sem vilja halda okkur í skuldafjötrum verðtryggingar áfram og hugsa þar með eingöngu um eigin hag en gleyma hag heildarinnar, heimilanna og fjölskyldnanna sem þar búa.

Eins og ég sé þetta fyrir mér þá þarf Framsókn hjálp eða eins og sumir segja, að fá einhvern flokk með sér sem mun bókstaflega láta Framsók standa við stóru orðin um leiðréttingu lána heimilanna og afnám verðtryggingarinnar. Það vita það allir sem vita það að þeim mun ekki verða leyft það af hinum gömlu flokkunum og því þarf nýjan og lausnamiðaðan flokk eins og Flokk heimilanna til að taka þá stöðu. 

Vilhjálmur Bjarnason ekki fjárfestir

Frambjóðandi í 1. sæti á Suðurlandi fyrir Flokk heimilanna.

http://flokkurheimilanna.is/ 

„Syndir framsóknarmanna eru stórar“

Heimilin munu brenna á pólitíska bálinu ef fram fer sem horfir.

Framsóknarflokkurinn er, eini fjórflokkurinn sem hefur staðið í lappirnar með heimilum landsins þó án þess að geta hingað til komið þeim til bjargar og lofar aö standa með heimilunum eftir næstu kosningar ef þeir komast til valda. En þá kemur stóra spurningin, með hvaða stjórnmálaflokki ætlar Framsóknarflokkurinn að ná þessum göfugu markmiðum fram.  Sjálfstæðisflokkurinn mun aldrei, aldrei láta Framsókn verða þann flokk sem neyðir Sjálfstæðisflokkinn til að afnema verðtrygginguna og leiðrétta skuldir heimilana því þá mun Framsókn sitja eftir með pálmann í höndunum sem drottnari Sjálfstæðisflokksins og þá mun Sjálfstæðisflokkurinn frekar fórna heimilum landsins. Samfylkingin og útfrymið þeirra Björt framtíð hafa enga aðra sín en að ganga  í Evrópusambandið sem allir sem vilja horfast í augu við það vita að Evran verður ekki tekin upp hér fyrr en eftir 4 til 8 ár og þann tíma hafa heimilin ekki og brenna upp á meðan. Vinstri grænir vilja ekki að það sé neitt fyrirtæki rekið með gróða og þá geta þau ekki borgað fyrirvinnum heimilanna laun á meðan og heimilin brenna upp. Heimilin eru ekki að treysta hinum nýju framboðunum og þeim sem að þeim standa til að gera það sem þarf að gera, sum framboðin töpuðu sér í stjórnarskrármálinu og önnur eiga bara dýra ljósritunarvél til að kópera góðar hugmyndir annara en eru á meðan fjármagnaðar af sjávarútvegsfyrirtæki og þar að auki með fortíðardraugsformann og á meðan brenna heimilin upp. Ég hvet fólk til að hugsa málið til enda, festa Framsóknar í þessum málum er að skila þeim sennilega bestu kosningu sögunnar en þó hafa þeir líka áhveðna drauga sem dúkka upp á móti manni á kjörseælinum þó manni langi til að merkja við Framsókn sem mun valda því að Framsókn mun aldrei fá meira en 25 % fylgi er ég hræddur um og hvernig ætlum við þeim þá að geta staðið við loforðin, eins og ég sagði hér fyrr þá verður þeim ekki leyft að vera sigurverararnir sem björguðu heimilum landsins og heimilin verða því miður látin brenna upp á því pólitíska hráskinnabáli. Það vantar að mínu mati afl sem mun geta hjálpað Framsókn til að bjarga heimilum landsins af þessu pólitíska báli.

Verð samt að bæta því hér við að ég bjóst aldrei við að skrifa slíka lofrullu um Framsókn en núna snýst þetta ekki lengur um flokkanöfn eða hægri eða vinstri, þetta snýst um að bjarga heimilum og fjölskyldum landsins en til þess þarf Framsóknarflokkurinn hjálp sem er ekki að finna í neinum þeim flokki sem ennþá er kominn fram.

Stofnum alvöru flokk með alvöru fólki sem vill alvöru breytingar og björgum heimilum landsins af þessu báli.

Alveg óþarfi að setja þjóðfélagið á hliðina með ólöglegri verðtryggingu.

Mér finnst raunar líka algjör óþarfi að setja allt samfélagið á hvolf með því að leyfa ólöglegri verðtrygging neytendalána að hækka á lánin okkar.

Finnst verðtryggða nafna mínum virkilega allt í lagi í þjóðfélaginu í dag, er hann ekki að grínast. 

Mér finnst raunar alveg með eindæmum hvað núverandi og verðandi þingmönnum er mikið sama um framkvæmd og eftirfylgni laga sem gilda á íslandinu góða. 

Nú erum við nafni, þ.e. verkalýðsforinginn á Akranesi, fyrir hönd VLFA og ég sem einn af liðsmönnum Hagsmunasamtaka heimilanna búnir að sýna fram á verðtryggingin er ólögleg og þeir láta eins og það þurfi bara að bíða það af sér í nokkur ár í viðbót eða afnema hana í áföngum eða eins og formaður flokks verðtryggða nafna okkar vill gera, að leiðrétta ólöglegheitin SMÁ saman í gegnum skattkerfið. Semsagt allt nema fara að lögum. 

Það þarf að fá flýtimeðferð á kæru okkar óverðtryggðu nafnanna á verðtrygginguna sem ólöhglega áður en lengra verður haldið.

Þarf einhver að fara að lögum ef þingmennirnir okkar þurfa þess ekki, er þetta það þjóðfélag sem við viljum, ég held ekki.

Óþarfi að setja heilt samfélag á hvolf

Vantrauststillagan og hótunin sem fólst í henni dugði Hreyfingunni.

Þvílíkur leikaraskapur á hinu háa Alþingi, Þór Saari, þingmaður Hreyfingarinnar eða Dögunar setur í gær fram vantrauststillögu á ríkisstjórnina, sem þau hafa hingað til stutt án þess að opinbera það eða viðurkenna, vegna þess að ríkisstjórnin ætlaði ekki lengur að klára aðaláherslumál þeirra sem er nýja stjórnarskráin fyrir þinglok. 

Ég sé fyrir mér hvað margir hafa unnið allan seinnipartinn í gær og langt fram á nótt við að leysa þennan mikla "vanda", ef jafn mikil orka, vinna og áhugi hefði verið fyrir því að laga hag heimilanna þá værum við sem þjóð ekki stödd þar sem við erum í dag.

Svo nú þegar búið er að semja þá er vantrauststillagan dregin til baka vegna "hugsanlegs formgalla". Áttið þið ykkur á hvað þessi og önnur pólitísk hrossakaup eru og hafa að kostað okkur þar sem sitjandi ríkisstjórn hefur ekki meirihluta en ætlar samt að sitja út kjörtímabilið hvað sem það kostar. Hvað haldið þið að það séu margir aðrir samningar sem við höfum ekki orðið eins áþreifanlega vör við og hvað haldið þið að þessir samningar hafi kostað okkur. 

Það má furðu sæta að þessi ríkisstjórn sé ekki fyrir löngu brunnin upp til agna í því pólitíska fárviðri sem hér geisar en það sorglega er að á meðan hafa heimili landsins og fjölskyldur þess brunnið upp á þessu ófriðarbáli stjórnmálanna. 

Þór dregur tillögu sína til baka

Flýtimeðferð á kæru Hagsmunasamtaka heimilanna orðin lífsnauðsynleg.

Nú er það orðið algjörlega nauðsynlegt að fá flýtimeðferð á kæru Hagsmunasamtaka heimilanna sem lögð var fyrir Héraðsdóm Reykjavíkur hinn 28 september 2012 og verður fyrirtaka á verðtryggingarmálinu okkar í HH hinn 20. febrúar kl. 09:45 í sal 401 í Héraðsdóm Reykjavíkur við Lækjartorg. Dómari er Ragnheiður Snorradóttir héraðsdómari sem mér skilst að sé nýráðinn sem héraðsdómari og finnst mér það sérkennilegt að láta nýjan og óreyndan dómara taka svona viðamikið mál sem fyrsta mál. 

Dropinn holar steininn, það sem nánast öllu þótti í raun vera algjör fyrra fyrir nokkrum misserum er nú að verða lýðnum ljóst og þá er þess ekki lengi að bíða að stjórnvöldum verði það ljóst líka þó það hafi oftast verið lengri leið að stjórnvöldum en hinum venjulega íslendingi.

Minnist þess að þegar við héldum því fyrst fram að gengislánin væru ólögleg þá var hlegið opinberlega að okkur, við vitum nú hvernig það endaði eða er að enda, þar sannast hið fornkveðna, sá hlær best sem síðastur hlær.   

Þetta sem framkvæmdastjórn Evrópusambandsins álikar um er akkurat það sem við í Hagsmunasamtökum heimilanna kærðum Íbúðalánasjóð fyrir hinn 28 september á seinasta ári, þ.e. að sé árleg hlutfallstala kostnaðar ekki kynnt fyrir lántakenda þá sé ólöglegt að rukka hann um verðbætur. raunar segja lögin að það sé þá líka ólöglegt að rukka vexti líka en það er ekki það sem við erum að berjast fyrir, það er sjálfsagt að borga sanngjarna og eðlilega vexti til baka ef maður tekur lán.

En eins og við vitum þá er verðtrygging ofan á vexti hvorki sanngjörn eða eðlileg og hvað þá okurvexti, svo erum við líka búin að sýna fram á að verðtryggingin er ólögleg eins og kemur fram í kærunni sem þetta álit framkvændarstjórnar Evrópusambandsins styður.

Ég hef haldið því fram að verðtryggingin verði dæmd ólögleg og þá þurfi að setja neyðarlög því það vita allir sem vilja vita það að ekki er hægt að taka allar ólöglegar verðbætur af alveg aftur til t.d. 1983. Í mínum huga þá snýst þetta um að setja þá hópa sem tóku gengis og verðtryggð lán á svipaðan stað því t.d. munurin á þeim sem tóku 20 milljón króna gengis og verðtryggt lán til 40 ára hinn 1.1.2008 er eftir gengisdómana um 10 milljónir gengislántakendanum í vil. Sá verðtryggði situr uppi með 28 milljónir á meðan sá gengistryggði skuldar um 18 milljónir.  

Spennandi tímar framundan sem verða að vinnast annars er íslenskt þjóðfélag endanlega komið á hausinn og það munu skapast hér aðstæður sem enginn vill hugsa til eða upplifa.

Stöndum nú upp úr sófanum og fáum verðtrygginguna dæmda ólöglega bæði til fortíðar og framtíðar. 

Lánin álitin ólögleg

Kannski hefðu þeir bara átt að reikna rétt og löglega í byrjun.

Kannski hefðu þeir bara átt að reikna rétt í byrjun.
Ekki vorkenni ég þeim þó það sé erfitt að leiðrétta ránið.
Ég hef ekki séð að bankarnir vorkenni þeim sem hafa jafnvel misst allt sitt á þessum ólöglegu lánum og ólöglegum útreikningum þeirra.
Hvað með þá t.d. sem hafa verið gerðir gjaldþrota, heimili fjölskyldunnar seld á nauðungarsölu eða á veðhafafundi hjá skiptastjóra á þessum ólöglegu lánum, hvenær á að leiðrétta hjá þessu fólki sem var ekki gert kleyft að vera í skilum með lánin sín af völdum þessara banka, ætli að þeir viti að það er mjög erfitt að vera rekinn út af heimili sínu og komast svo að því að það var gert á forsendum ólöglegra lána sem nú er búið að dæma að séu ólögleg.

Það verður spennandi að sjá hvaða "viðmið" þeir nota núna.

Hvað ætli þurfi að leiðrétt oft áður en rétt, endanleg og neytendamiðuð útkoma fæst.

Það er nú samt kominn annar tónn í þetta því nú er t.d. ekki fjallað um tap eða skaða fjármálafyrirtækjanna heldur leiðréttingu lána.

Þetta er allt að koma. 

Byrjaðir að leiðrétta lán

Hvar er umsögn Neytendastofu um ólöglega lánasamninga bankanna til neytenda.

Mikið líður mér vel eftir þessa rannsókn þar sem starfsmenn Neytendastofu þurftu meira að segja að fórna sér og fara erlendis til að kanna þessi mál og samt voru aðgerðir á Íslandi í minna lagi miðað við önnur lönd sem tóku þátt í kveikjararannsókninni miklu.

Minni samt á að Neytendastofa á og átti að skoða lánasamninga og að þeir séu neytendavænir og löglegir en hvað gerðist, bæði gengis og verðtryggðir lánasamnigar eru ólöglegir og hafa verið frá upphafi. Það er greinilegt hvað er mikilvægast að eyða vinnutímanum í hjá Neytendastofu og greinilegt að þeir velja mikilvægust málin til að rannsaka.
Ætli það sé öruggt að nota þessa kveikjara til að kveikja í þessum ólöglegu og órannsökuðu lánasamningum.

Kveikjarar á Íslandi öruggir

Sjálfstæðisflokkurinn er ekki lengur fyrir venjulegan sjálfstæðismann.

Að mínu mati er Sjálfstæðisflokkurinn eins og hann er rekinn í dag ekki fyrir "venjulegan" sjálfstæðismann lengur.
Sjálfstæðisflokkurinn er orðinn sérhagsmunagæsluflokkur fárra sem telja sig útvalda.
Ég er eiginlega mest hissa á að það séu ekki fleiri sem segja skilið við flokkinn.

Það er kominn tími til að standa saman.

 

Ég skrifaði þetta blogg fyrir tveimur árum síðan, í október 2012 í aðdraganda seinustu Alþingiskosninga en einhverra hluta vegna var það ekki birt hér þannig að ég sendi það bara út í loftið núna því það á alveg eins vel við núna og þá og ef eitthvað er þá á það ennþá betur við núna þegar þessi öfl sem stjórna Sjálfstæðisflokknum eru búin að sýna sitt rétta andlit. 

Segir sig úr Sjálfstæðisflokknum

Hvernig var þetta í Californíu, allir vildu selja rafmagnið en enginn halda línunum við.

Munið þið hvað gerðist í Californíu þegar þeir einkavæddu raforkukerfið, fjölmörg fyrirtæki vildu selja rafmagnið sem barst eftir línunum en enginn vildi halda flutningsleiðunum og rafmagnsstaurunum við.

Þetta er það sama og er að gerast hér núna, línurnar eru orðnar lélegar og illa viðhaldið vegna þess að þeir sem eiga að halda þeim við er haldið í fjársvelti á meðan þeir sem selja rafmagnið sem berst eftir línunum greiða út arð og græða á tá og fingri.

Mun alvarlegra en talið var