Íslensk stjórnvöld leyfa bönkunum að höfða mál gegn almenningi og taka eigur fólks

Á meðan íslensk stjórnvöld leyfa bönkunum að taka allt sem hægt er að taka af íslenskum almenningi þá virðist nú eitthvað vera að rofa til hjá bandarískum stjórnvöldum og þau eru farin að ráðast að rót vandans og upptökunum sem voru hjá bönkunum sem versluðu með svokölluð undirmálsbréf eins og þau væru fullgildir pappírar vitandi það að svo var ekki.

Það er stofnun á vegur bandaríska ríkissins, sem heitir Federal housing finance agency og var stofnuð í kjölfar bankahrunsins og yfirtók meðal annars stærstu húsnæðislánasjóðina í USA, Freddy Mac og Fanny Mae, sem er að kæra þessa banka, bæði bandaríska og alþjóðlega en þessi stofnun á að fylgjast með regluverki og lögum um húsnæðismál. Þetta mál getur haft gífurleg áhrif í USA því þeir virðast vera að gera ráð fyrir saknæmum gerningum bankanna og stjórnenda þeirra og þá í framhaldinu að fá bætur frá bönkunum og tryggingarfélögum þeirra og ef það næst fram þá hefur þetta mál einnig gífurleg áhrif á alla banka og allt hagkerfi heimsins og leiddar eru líkur að því að lækkanir á mörkuðum undanfarið séu vegna þessa máls. 

Það vantar tilfinnanlega einhverja vilja hjá stjórnvöldum til að setja á stofn stofnun hér á landi sem hefur vald til að skoða ofan í grunninn hvernig bankarnir unnu gegn krónunni á skipulagðan hátt og einnig gegn íslenskun heimilum með því að valda gengisfalli krónunnar sem aftur hækkaði öll svokölluð erlend lán um helming og hækkaði einnig íslensk verðtryggð lán um hundruð milljarða með hækkun verðbólgunnar sem hækkaði verðtrygginguna sem aftur hækkaði lánin. 

Hvenær getum við Íslendingar búist við því að farið verði að fjalla um þessi lánamál okkar á réttum grundvelli og að þeir sem hruninu ollu verði látnir svara til saka og þá í leiðinni farið að taka á réttan hátt á skuldum heimilanna, t.d með þeirri leið sem Hagsmunasamtök heimilanna hafa bent á og sjá má á heimilin.is http://sign.heimilin.is/ 

Höfðar mál gegn bönkunum