Vilhjálmur Bjarnason. Ekki fjárfestir

19.12.2010 | 17:01

Lesið gamlar greiningar frá Ingólfi Bender og Glitni frá því fyrir og í hruni.

Hvet ykkur til að fara inn á Íslandsbankavefinn og lesa gamlar greiningar frá því fyrir og í hruninu sem greining Glitnis, forvera Íslandsbanka og áður en hann skipti um kennitölu og nafn, á þeim tíma undir "styrkri" stjórn Ingólfs Bender hefur gert. Þá munið þið sjá hvað mikið er að marka þessa spá eða aðrar spár greiningar Íslandsbanka og ég allavega fer að hugsa hverjum þessar spár eiga að þjóna og hverjum þær henta. Auðvitað vill ég að fasteignaverð hækki þannig að íbúðareigendur verði ekki fyrir eins miklu tjóni og lítur út fyrir í dag. En gleymum ekki að sú sprenging og fasteignabóla sem varð hér fram að 2008 varð að miklu leiti, og nánast öllu, vegna innkomu bankanna á fasteignalánamarkaðinn með tilheyrandi verðhækkun sem var dyggilega rökstudd af greiningardeild Glitnis, sem nota bene var undir stjórn þessa sama Ingólfs Bender.

	Spá verðhækkunum á húsnæðismarkaði
Ábyrgðarmaður færslu Tilkynna um óviðeigandi tengingu við frétt

Flokkur: Viðskipti og fjármál | Facebook

Athugasemdir

Óþarfi að leita uppi gamlar greiningaskýrslur. Fólk man ennþá eftir vitleysunni sem kom frá Glitni. Ekki hefur það skánað við nafnabreytinguna. Reyndar eru allir stjórnendur Íslandsbanka algjörlega úti á túni og fer þar forstjórinn fremstur í flokki. Þvílíkt samansafn af aulum :-)

Guðmundur Pétursson, 20.12.2010 kl. 07:47

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vilhjálmur Bjarnason Ekki fjárfestir

Hef mikinn áhuga á stjórnmálum og þjóðmálum almennt, vill stuðla að réttlæti og reyni að koma einhverju góðu til leiðar. Er búinn að vera í stjórn Hagsmunasamtaka heimilanna frá því snemma árs 2010, formaður undanfarin ár og er í dag varaformaður HH. Eitt af aðalbaráttumálum okkar í HH er að hjálpa og eftir atvikum neyða ríkisstjórnina til að taka á stökkbreyttum lánum heimilanna og afnema verðtryggingu neytendalána sem við teljum vera ólöglega útfærða frá 2001 samkvæmt neytendalánalögunum númer 121/1994. Ég tel að aðalvandi okkar íslendinga sé ekki skuldavandinn, hann er auðvelt að leiðrétta þegar búið er að sanna að fjármálastofnanirnar hafi ekki veitt lánin á löglegan hátt eins og raunin var með gengislánin. Aðalvandinn er framfærsluvandinn eða ef þetta er kallað réttu nafni FÁTÆKT sem er orðin almenn. Eitt brýnasta verkefnið er að finna út hvað það kostar að lifa hófsömu mannsæmandi lífi eins og gert er á hinum norðurlöndunum og þá fyrst er hægt að stilla þjóðfélagið út frá því.