Ég efast alltaf um að Dagur B. átti sig á að lítið ofan á allt of lítið er ennþá of lítið.

Ég verð að segja að ég efast ekki stundum, heldur alltaf, um að Dagur B. borgarstjóri átti sig á því að þeir sem eru á lægstu laununum innan borgarinnar geta einfaldlega ekki lifað af þeim launum sem þeim er boðið upp á og þetta fólk getur heldur ekki framfleytt sér og hvað þá börnunum sínum á þessum lægstu launum.
Þetta hér fyrir ofan og svo nánari útskýringu hér fyrir neðan set ég fram sem svar við því sem Dagur borgarstjóri allra borgarbúa, ég hélt líka þeirra sem eru á það lágum launum að þeir geta ekki lifað mannsæmandi lífi af þeim launum, segir hér í fréttinni fyrir neðan sem er með þessu innleggi þá vil ég segja eftirfarandi:
Dagur B. borgarstjóri og aðrir sem koma að því að semja um kaup og kjör almennings og það á líka við um þig Sólveig Anna Jónsdóttir, þið verðið að fara að átta ykkur á því að aðalatriðið í byrjun er að þau laun sem eru lægst verða að duga þó alla vega til mannsæmandi grunnframfærslu þannig að Íslenskar fjölskyldur geti lifað hér mannsæmandi lífi fyrir sig og börnin sín.
Svo þegar því er náð geta menn farið að rífast og eða semja um hvað, og jafnvel hvort, þeir sem eru með meiri reynslu, þekkingu eða menntun eigi að hafa meira en sem nemur þessari mannsæmandi framfærslu.
Þegar þessi grunnþekking á hvað dugar til mannsæmandi framfærslu er ekki fyrir hendi þá er ekki verið að semja um eitthvað sem er grunnur fyrir öllu hinu sem á eftir kemur.
Vegna þessa eru allir launasamningar á Íslandi í raun út í loftið og enginn ánægður, alls ekki sá sem er með lægstu launin því hann getur ekki lifað af sínum launum án þess að geta bent á þá staðreynd með opinberum tölum því þær eru viljandi ekki til.
Þeir sem eru ofar í goggunarröðinni eru heldur ekki ánægðir því þeir vita í raun ekkert um hvað þeir voru að semja um nema það að þeir fengu meira í sinn vasa en þeir sem eru neðar en þeir í þessari miður skemmtilegu röð.
Það sem vantar til að geta tekið þessa umræðu og samið um kaup og kjör af einhverju viti og alvöru eins og gert er í þeim löndum sem við miðum okkur almennt við er að finna þarf út hvað það kostar að lifa þessu svokallaða hófsömu mannsæmandi lífi sem er gert þar með því að finna út hvað þarf til mannsæmandi grunnframfærslu.

mbl.is Átti sig ekki á 90 þúsund króna hækkun
Tilkynna um óviðeigandi tengingu við frétt

Betra að losna við skaðvaldinn en þurfa að tryggja sig fyrir honum.

Maður tryggir sig fyrir skaða, alveg rétt.
Verðtrygging lána heimilanna er skaðvaldur er staðfest með þessu meist­ara­verk­efni frá tækni- og verk­fræðideild Há­skól­ans í Reykja­vík.
Samt er alltaf best, að mínu mati, að losa sig frekar við skaðvaldinn frekar en að þurfa að tryggja sig fyrir honum.
Tökum einfaldlega verðtrygginguna af lánum heimilanna og enginn þarf að tryggja sig fyrir þessum skaðvaldi. 
Kannski er ekki nema von að sá sem skrifaði þessa ritgerð sé kominn í vinnu hjá Landsbankanum.

 

mbl.is Verðbólgutrygging ódýr lausn
Tilkynna um óviðeigandi tengingu við frétt

Lífeyrissjóðirnir "okkar"

Á sama tíma og Lífeyrissjóðirnir "okkar" eru að fjármagna tug og hundruð milljarða hótel og skrifstofubyggingar út um allan bæ sem halda nánast öllum iðnaðarmönnunum okkar uppteknum við það þá vantar unga fólkinu okkar og raunar öllum íslendingum að minnsta kosti 17.000 íbúðir til að lifa í.
Einnig hafa þessir sömu lífeyrissjóðir "okkar" á sama tíma verið að fjármagna uppkaup fárra aðila og stórra leigufélaga á nánast öllum lausum íbúðum sem komið hafa á sölu og líka þeim íbúðum sem bankar og Íbúðalánasjóður hafa verið að taka af fólkinu í landinu undanfarin ár og þannig stuðlað að hækkun á fasteignaverði og skorti á heimilum fyrir fólk.
Því miður get ég lofað ykkur því að núna á næstu vikum og í sumar þá fara þessir aðilar og leigufélög að selja þessar íbúðir á uppsprengdu verði áður en uppbygging fer af stað á fasteignamarkaði. 
Kaupendurnir verða almenningur á þeim íbúðum sem verða seldar í stykkjatali út úr sumum leigufélögunum á meðan sum leigufélögin verða seld í heilu lagi og getið hverjir verða kaupendurnir að þeim á uppsprengdu verði, jú, Lífeyrissjóðirnir "okkar". 
Þá kemur líka berlega í ljós að þetta var og er skiplagt á þennan hátt, þ.e. kaupa allt upp og halda iðnaðarmönnunum uppteknum við annað en íbúðarbyggingar til að skapa skort á fasteignamarkaði.
Þetta er allt gert á kostnað almennings með vitund og vilja þeirra sem stjórna lífeyrissjóðunum "okkar". 
Hverjir græða á þessu öllu saman, jú þessir fáu sem fengu lánaða peninga hjá Lífeyrissjóðunum "okkar" til að kaupa þessar íbúðir.


mbl.is Mikið í húfi fyrir lífeyrissjóði
Tilkynna um óviðeigandi tengingu við frétt

Vilhjálmur Bjarnason ekki sáttur :)

Nafni minn fjárfestirinn og varðhundur verðtryggingarinnar er ósáttur núna við forystu SJálfstæðisflokksins og talar um kosningasvindl þegar hann komst ekki inn á þing en hló þegar ég var tekinn út af sama lista eftir sama prófkjör fyrir kosningarnar.
Sjálf­stæðis­flokk­ur­inn er þarna sagður hafa notast við óbreyttan lista fyr­ir kosn­ing­arn­ar um seinustu helg­i en svo var ekki eins og nafni veit og ég benti á fyrir kosningarnar þar sem ég einn var tekinn út af listanum. sjá: http://kvennabladid.is/2017/10/12/i-grasrotinni-heima/

Fjárfestirinn segir „Maður fer nátt­úru­lega í próf­kjör á þeim regl­um sem maður held­ur að séu í gildi. Það að breyta regl­um eft­ir á og hagræða úr­slit­um heit­ir nú kosn­inga­s­vindl á sum­um stöðum. Það er ágætt að setja regl­ur um hvernig úr­slit eigi að vera og ef ein­hver er óæski­leg­ur í próf­kjöri þá er ágætt að hann viti það fyr­ir­fram.“
Þetta er sami maðurinn og vann í því að fá mig út af listanum sem hann vælir nú eins og stunginn grís yfir því að hafa verið færður til um eitt sæti og ná svo ekki inn því fólk vildi hann ekki inn, hvorki forysta eða kjósendur flokksins.

Ég var settur út vegna þess að ég sagði að Bjarni Benediktsson væri ekki að vinna fyrir hinn almenna flokksmann heldur ræki flokkinn sem einkagróðavinafélag sitt, nánustu ættingja, vina og meðhlægjenda sinna og á meðan svo væri tæki ég ekki þátt í kosningarbaráttu flokksins undir hans stjórn.

Var ég raunar frekar sáttur við að vera settur út fyrir sviga á meðan Bjarni Benediktsson er formaður flokksins fyrst hann þorði ekki að hafa próskjör fyrir þessar kosningar.

Raunar var ég búinn að vara nafna minn fjárfestinn við því að sennilega þyrfti hann ekki að hafa áhyggjur af því að þurfa að taka sér frí frá þingstörfum sem nú er komið í ljós að var rétt mat hjá mér.

Það hlýtur auðvitað að vera erfiðara að sætta sig við að vera settur út í kuldann þegar maður er búinn að vera meðhlæjandi forystunnar sem launar hláturinn svona að lokum eins og fjárfestirinn bendir nú á þegar það beinist gegn honum sjálfum.

Vilhjálmur Bjarnason Ekki Fjárfestir


mbl.is „Hlýt að hafa verið óæskilegur“
Tilkynna um óviðeigandi tengingu við frétt

Kannski er einn Vilhjálmur Bjarnason í viðbót.

Ég er heldur ekki sá Vilhjálmur Bjarnason sem ekki er tilbúinn að taka sætið á listanum sem ég vann mér inn í fyrra í prófkjöri flokksins þvert gegn vilja forystu flokksins. 
Það er spurning hvort við séum þrír alnafnarnir og það sé til einn Vilhjálmur Bjarnason í viðbót sem er ekki ekki fjárfestir og sem er ekki alvöru fjárfestir :)
Hins vegar hef ég sagt að á meðan Bjarni Benediktsson er formaður Sjálfstæðisflokksins þá muni ég ekki taka þátt í kosningabaráttu flokksins.
Mun ég áfram berjast fyrir því að flokkurinn verði sá flokkur sem grunngildi hans tala um sem eru frelsi til orða og athafna og líka stétt með stétt en núna er flokkurinn rekinn sem einkagróðavinafélag formannsins. 
Ég tel að hinn almenni Sjálfstæðismaður vilji miklar breytingar innan flokksins og vilji sjá nýja forystu og að farið verði eftir grunngildum flokksins. 
Það er verið að stilla upp á listann í Kraganum þessa dagana og við skulum sjá hvort flokkurinn og uppstillingarnefndin hefur kjark, heiðarleika og þor til að hafa mig áfram á listanum í 7. sæti sem ég náði í prófkjöri flokksins seinast fyrist það á ekki að vera prófkjör. 
Það kemur í ljós annað kvöld, mánudaginn 2. okt.


mbl.is Ekki sá Vilhjálmur Bjarnason
Tilkynna um óviðeigandi tengingu við frétt

Kerfið og embættismenn stjórna landinu og það illa.

Þegar baráttukona eins og Theodóra​ hættir á Alþingi eftir aðeins ár er það miklu meiri yfirlýsing en Alþingi og almenningur gerir sér grein fyrir.

Hún segir að þing­störf­in hafa komið sér á óvart og að þau snú­ist ekki um stefnu­mót­un og fram­kvæmd verk­efna. Þau séu meira eins og mál­stofa. Flest mál sem samþykkt eru koma úr ráðuneyt­um í gegn­um rík­is­stjórn. Við þing­menn höf­um svo það hlut­verk að fjalla um þau en kom­um hvergi að neinni stefnu­mót­un eða ákv­arðana­töku um strauma og stefn­ur.

Þó þing­menn geti vissu­lega lagt fram alls kyns mál að eig­in frum­kvæði þá sé það ekki mjög væn­legt til ár­ang­urs því henni sýn­ist samið um það að hver flokk­ur fái eitt þing­manna­mál samþykkt. Það fer því mest all­ur tími þings­ins í umræður og fram­lagn­ingu mála sem all­ir vita að fást lík­lega ekki samþykkt. Ég varð í raun mjög hissa á því hvað þingið er óskil­virkt.

Þessi upplifun Theodóru er sú sama og aðrir þingmenn og konur sem hafa viljað breyta Íslandi hafa sagt við okkur í Hagsmunasamtökum heimilanna eftir að þau hafa farið þarna inn full eldmóðs. Það er sagt við nýja stjórnarþingmenn að þeir skuli vera þægir og góðir og hlýða í einu og öllu því annars eyðileggji þeir sjálfa sig, flokkinn sinn og ríkisstjórnina. Þetta er ekki endilega sagt við þau af pólitíkinni heldur eru það kerfisfólkið og embættismenn sem starfa innan og utan þing sem segja þetta við þau og bæta við ef þau hafa verið að hlusta á Hagsmunasamtök heimilanna að það sé alveg bannað.

Það er í raun kerfið, lesist embættismenn, sem stjórnar landinu en ekki Alþingi eða pólitíkin. Þetta sama kerfi og er búið að gera svo mikið af mistökum að almenningur og sjálfsögð mannréttindi almennings er fótum troðinn í landinu og verður það þangað til fleiri alvöru baráttumenn eins og Theodóra komast á þing og hafa bein í nefinu til að berjast við höfuðandstæðing almennings, KERFIÐ.

Til hvers erum við að þykjast vera með Alþingi og fulltrúalýðræði þegar það eru alltaf sömu embættismennirnir sem stjórna landinu alveg sama hvaða flokkur eða pólitík er við völd.

Tek samt fram að ég hef ekki talað um þetta við Theodóru en mun funda með henni eftir helgina.


mbl.is Theodóra segir af sér þingmennsku
Tilkynna um óviðeigandi tengingu við frétt

Spákaupmenn og aðrir kaupmenn

Við skulum ekki gleyma því þegar við tölum um að hægt sé að hafa áhrif á litlu krónuna okkar að einn maður í einum vogunarsjóð sveiflaði gengi breska pundsins það mikið, þegar þeir ætluðu og þurftu að viðhalda stöðuleika á pundinu til að komast inn í EVRUheima, að bretar eru ennþá með pundið.
Sennilega eru þeir mjög ánægðir með það í dag og þakka Soros í hljóði.


mbl.is Berskjaldaðri fyrir spákaupmönnum
Tilkynna um óviðeigandi tengingu við frétt

Upplýsingar fyrir þá sem vilja ekki lengur vera í viðskiptum við vogunarsjóðina eða útibú þeirra.

Ég vil nota tækifærið til að minna á frábæran valkost fyrir þá sem vilja ekki lengur vera í viðskiptum við vogunarsjóðina eða útibú þeirra.
Það er lítill sparisjóður fyrir norðan sem heitir Sparisjóður Suður Þingeyinga sem er annar af tveimur fjármálastofnunum sem EKKI þurfti á aðstoð ríkisins að halda eftir hrun þó aðrar fjármálastofnanir og kerfið vilji núna losna við þá af markaðinum.
Ég er sjálfur í viðskiptum við þá og Hagsmunasamtök heimilanna líka og fullt af fólki sem ég þekki og allir ánægðir.
Mæli sérstaklega með útibúinu að Laugum, skilið kveðju norður fyrir mig.
http://www.spar.is/spthin-sudur-thingeyinga/laugar


Þetta gefur greiðslumati bankans hér eftir sérstakan stimpil

Kaupandi Arion banka er í ruslflokki matsfyrirtækja.
Þetta gefur greiðslumati bankans hér eftir sérstakan stimpil því venjuleg fjölskylda sem vill fá lán hjá bankanum til að kaupa sér heimili þarf að fara í erfitt greiðslumat og er skoðaður í bak og fyrir og þarf meðal annars að skila inn launaseðlum, framfærslu og þarf þar að auki að þola að bankinn nái í mat Creditinfo á greiðsluhæfi fjölskyldunnar langt aftur í tímann.
En ef óskilgreindur aðili sem enginn veit hver er kaupir bankann þá er allt í lagi að hann sé í ruslflokki og fengi ekki greiðslumat til að kaupa íbúð ef hann þyrfti að fara í gegnum greiðlsumat bankans.
Og þá, eftir kaupin sem forsætisráðherra hampar á fullu, fattar fjármálaráðherrann okkar allt í einu að það sé ekki í lagi að einhver sem enginn veit hver er kaupi bankann.
Er ekki allt að fara sömu leið og áður, söngurinn er allavega samur ?


mbl.is Kaupandi Arion í ruslflokk
Tilkynna um óviðeigandi tengingu við frétt

Hverjir voru það sem urðu gjaldþrota, bankarnir eða fólkið í landinu ?

Við skulum heldur ekki gleyma því að þessar milljarða bónusgreiðslur sem þessir menn eru að fá eru bara brotabrot af þeim milljörðum króna sem búið er að taka af fjölskyldum og heimilum landsmanna í gegnum nauðungarsölur og gjaldþrot einstaklinga sem jafnvel voru fengin fram á grundvelli ólöglegra lána.


mbl.is Bónusgreiðslur Kaupþings samþykktar
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband