Rangur brjóstasláttur stjórnvalda.

Að skuldir heimilanna hafi lækkað er ekki stjórnvöldum að þakka, íslensk verðtryggð lán hafa hækkað um allt að 40 % frá 1.1.2008 en nánast eina lækkunin kemur vegna þess, og því má ekki gleyma, að  stjórnvöld og fjármálastofnanir hafa verið neydd til að leiðrétta gengisbundnar skuldir heimilanna með dómum hæstaréttar þó hægt gangi að leiðrétta eftir seinasta dóminn og ekki einu sinni þau sem unnu málið í Hæstarétti hafa fengið réttan útreikning núna 6 vikum eftir að dómurinn féll.

Þær lækkanir aðrar sem hafa gengið til heimilanna eru til komnar í þeim tilgangi að fá fólk frekar til að borga af 110 % yfirveðsettri eign sinni í staðinn fyrir að gefast upp með 130 til 200 % veðsetningu.         Í öllum venjulegum samfélögum er gert ráð fyrir að heimilin séu mjög illa sett fjárhagslega ef skuldsetning þeirra er yfir 100 % af eignum þeirra.  

Svo stíga stjórnvöld á stokk og berja sér á brjóst fyrir að skuldirnar lækki eins og það sé þeim að þakka. Þeim væri nær að hlusta á okkur í Hagsmunasamtökum heimilanna og viðurkenna að verðtryggðu lánin eru ólögleg líka og flýta með því fyrir uppbyggingu íslands um nokkra mánuði.

Ef ekki, verða þessi stjórnvöld að fara frá og það sem fyrst.

Skuldir heimila lækkuðu milli ára